ترى الرجل بالكون قلبه دليله
والناس يفرق يابشر مستواها
ناس على فعل المكارم أصيله
تفرح بشوف الضبف لامن نصاها
تفرق سمين الهرج وتفرق هزيله
وتقييم اللي بالسوالف تباها
عاداتها حب القيم والفضيله
دربه عداله وتتعب اللي قفاها
ماهما اهل الردى والرذيله
تمشي وتمشي ماتلفَّت وراها
وناس تجيب علوم غبراء دخيله
تتبع جنود ابليس يكثر عناها
دايم تطفل وبحياته بخيله
مع زود ماله زاد حتى شقاها
لاله علوم تنحسب بالجميله
قشرات والقشرات مااحد بغاها
لكن على الرحمن منجي خليله
انه يعدل الحال منشي سماها