العمر محدود ولا الـوقت له دوره
وأنا إلى الحين وأحزاني هي أحزاني
والوقت لو جار ماهتميت من جوره
بدري على الـوقت يـأمرني وينهاني
شفني هـنا والـنجوم هناك منثوره
إن كان مـاطـلتـها مـانيب عرجاني
شاعر وأحب الشعر واغوص فبحوره
كن الـقصايد تعـزوابـي وتـنـخاني
والشاعر اللي لا غنى يـفقد شعوره
يـستـاهـل انـك تـجي لمشاهدة عاني
والجادل الي معي بالصوت والصوره
تـاقـف عـلى بـاب فـكري ماتعداني
كـنها تـردد بـعون الله منصوره
وكـنها تـغذى عـلى دمـي وشـرياني
أحيان فيـها عـقل وأحيان مطيوره
وأحـيان تـخطـي عـلي وتـقـول بلعاني
تضحك عـلى لـهجتي لاقلت ماجوره
والـحـين صـارت بـلهجـتـنا تـحداني
ماهي على الوصل ملزومه ومجبوره
تقرب وتبعد وتذكرني وتنساني
تقول كان الغلا في جوف سبوره
قم اكتب اسمي غلا ولا قم أمحاني
لبى الغلا يابرنسيسه ياسنيوره
من الغلا مذكرت اسمك على لساني
اخاف من واحد لادق لي زوره
قدام عيني والى من رحت يقفاني
يامطلعة شاعر الابداع عن طوره
الى متى والخطا منك يتمثناني
تخطين واسامحك واقول معذوره
اروح فيها لمن قلتي على شاني
القلب بستان وانتي اجمل زهوره
مايقطفك من خفوقي واحد ثاني
تربعي دام لك فالقلب مقصوره
والله ماانسى غلاك ان الله احياني